குறுந்தொகை-136 - காமம்

 குறுந்தொகை-136

குறிஞ்சி

'காமம் காமம்' என்ப; காமம்

அணங்கும் பிணியும் அன்றே; நுணங்கிக்

கடுத்தலும் தணிதலும் இன்றே; யானை

குளகு மென்று ஆள் மதம் போலப்

பாணியும் உடைத்து, அது காணுநர்ப் பெறின

- மிளைப்பெருங் கந்தனார்.

காமம் காமம் என்ப - காமம் காமம் என்று உலகினர் அதனைக் குறை கூறுவர்; 

காமம் - அக்காமமானது;

அணங்கும் - புதியதாகத் தோற்றும் வருத்தமும்; 

பிணியும் அன்று - நோயும் அன்று; 

நுணங்கி - நுண்ணிதாகி;

கடுத்தலும் - மிகுதலும்;

தணிதலும் - குறைதலும்;

இன்று - இலது;

யானை---, குளகு மென்று ஆள் மதம் போல - தழை உணவை மென்று தின்று அதனாற் கொண்ட மதத்தைப் போல;

அது காணுநர் பெறின் - கண்டு மகிழ்வாரைப் பெற்றால்;

பாணியும் உடைத்து - அக்காமம் வெளிப்படும் செவ்வியையும் உடையது.

கருத்து- 

இகாமம் இயல்பாகவே ஒருவரிடம் இருந்து உரிய காலத்தில் வெளிப்படுவது.

                       🙏🙏🙏🙏🙏🙏🙏🙏